Почитувани,

Ве известуваме дека на 28-ми, 29-ти и 30-ти Ноември 2018 година, во Хотел Порта- Скопје и во просториите на Институтот за медицина на труд, успешно беа реализирани две обуки, на следниве теми “ВАЖНОСТА КОМУНИКАЦИСКИ ВЕШТИНИ КАЈ ЗДРАВСТВЕНИТЕ РАБОТНИЦИ ВО ОБЛАСТА НА МЕДИЦИНАТА НА ТРУДОТ” и “АКТУЕЛНИ ТЕМИ ВО МЕДИЦИНА НА ТРУДОТ”.

Обуките беа наменети за претставници на здруженијата на докторите при медицина на труд. Учесници на обуките беа индивидуи/професионалци кои работат активно во полето на Безбедноста и здравјето при работа (БЗР) и унапредување на работните услови.

Организатор на обуките беше Македонското здружение за заштита при работа, во соработка со Организација на работодавачи и Сојузот на синдикати на Македонија, во рамките на проектот “Подобрување на вклученоста и влијанието на граѓанското општество во јавните политики за безбедност и здравје при работа и при донесувањето одлуки како подршка на државата во процесите на пристапување кон ЕУ” – EuropeAid / 155322 / DD / ACT / MK.

Области кои беа обработувани за време на обуките се следниве:

• Ефикасна комуникација и важноста на емоционалната интелегенција во комуникациите;

• Комуникациските вештини и идентификување на потребите на пациентите/работниците и основни вештини за преговарање;

• Работа на височина и професионална експозиција на УВ зрачење и влијание врз здравјето;

• Превентивни мерки и современи епидемиолошки методи во медицина на трудот;

• Здрави работни места – Управување со опасни супстанции на работното место;

• Професионални малигни неоплазми и репродуктивно здравје и работно место и друго.

За повеќе информации околу обуките и тековното спроведување на ЕУ проектот, можете да ја посетите фејсбук страната: https://www.facebook.com/Occupational-Safety-and-Health-policies-610230679308448/?modal=admin_todo_tour

Тимот на ОРМ