На седницата од страна на Министерoт за економија и труд, беше презентиран предлогот за формирање на официјална потрошувачка кошница која ќе ја креира посебно тело во кое ќе членуваат претставници од синдикатите, Државниот завод за статистика, Организација на потрошувачи, како и министерствата за економија и за финансии.

Од страна на претставниците на ОРМ беше посочено дека од она што го истражувавме, Европската Комисија нема директива за потрошувачката кошница. Секоја држава во регионот и ЕУ има и синдикална и кошница што ја формираат институциите и тие меѓусебно се разликуваат драстично.

ОРМ го поздрави предлогот, со оглед на тоа што барањето минималната потрошувачка кошничка да се подготвува од страна на Државниот завод за статистика – ДЗС беше предог токму на ОРМ на втората седница на ЕСС.

Претседателот на Владата Христијан Мицкоски истакна дека сака сите одлуки да ги носиме заеднички и со заемна согласност, во корист на граѓаните и заедничката иднина.

Под точка разно се дискутираше на неколку теми, меѓу кои и минималната плата, но за оваа точка имаше само дискусија, без заклучоци.

На седницата од ОРМ како членови на Економско – социјалниот совет присуствуваа Владанка Трајкоска – Претседателка на ОРМ, Ангел Димитров – Претседател на Собрание на ОРМ, Весна Бодановска – Потпретседател за економски прашања и бизнис опкружување и Љупчо Фармакоски – Потпретседател за регулатива, колективно преговарање и социјален дијалог.

Исто така на седницата учествуваа и Претседателот на Владата – Христијан Мицкоски, Министерот за економија и труд – Бесар Дурмиши, заменикот Министер за економија и труд – Марјан Ристевски и заменикот, претставниците од Сојузот на синдикати на Македонија и претставници од нерепрезентативните синдикати и организации на работодавачи.