Советот за безбедност и здравје при работа, заедно со Министерството за економија и труд, а во организација на Организацијата на работодавачи на Македонија (ОРМ), организираше пригоден настан по повод Светскиот ден за БЗР.

Темата на настанот беше во согласност со Европската кампања за здрави работни места:

„Улогата на вештачката интелигенција и дигитализацијата на работата“

Воведни обраќања имаа:

Светлана Ристовска Антиќ – Извршна директорка на ОРМ

М-р Бесар Дурмиши – Министер за економија и труд

Проф. д-р Јасмина Чалоска – Претседателка на Советот за БЗР

Слободан Трендафилов – Претседател на ССМ

Емил Крстановски – Национален координатор на МОТ

Во своето обраќање, Светлана Ристовска Антиќ нагласи:

„Автоматизацијата и вештачката интелигенција не треба да бидат замена за човечката безбедност, туку алатки кои ќе ја унапредат. Потребно е да креираме јасни политики за нивно безбедно користење, да воспоставиме нови стандарди преку институционална соработка, да инвестираме во обуки и да се грижиме дигитализацијата да не создава дополнителен стрес кај работниците.“

Голем придонес во организацијата даде и компанијата „Алкалоид А.Д. Скопје“, членка на ОРМ.

Ќире Ицев, член на Советот за БЗР од Алкалоид, одржа презентација на тема:

„Паметни технологии – безбедни работници“

Гостите имаа можност да ги посетат и производствените погони и Музејот на Алкалоид.

Безбедноста на работното место во дигиталната ера започнува со информираност, соработка и визија!