ОРМ активно учествува во овој процес преку своите претставнички – Светлана Ристовска Антиќ, извршна директорка на ОРМ, и Билјана Талевска, членка на Управниот одбор на ОРМ од ЗАПОВИМ. Тие присуствуваа на отворањето на првата национална работилница посветена на подготовката на стратегијата, во организација на Министерството за образование и наука, а со поддршка на ГИЗ, УНИЦЕФ, УНДП, Светската банка, Хелветас и ЕТФ. Главната цел на оваа работилница е да се дефинира заедничка визија за образованието до 2032 година, да се постават општи и конкретни цели по приоритетни области, и да се воспостави силна основа за понатамошна соработка меѓу институциите.

ОРМ останува посветен партнер во креирањето на образовни политики што се усогласени со потребите на пазарот на труд, кои обезбедуваат еднаков пристап, инклузивност и современи компетенции за сите ученици и млади.