Настанот е дел од циклусот посети на државите аспиранти за членство во Европската Унија и има за цел да ја разгледа состојбата со обезбедување квалитет во процесот на Учење преку работа (УПР), како и развојот на стратешки и процесни документи на национално ниво во делот на стручното образование и обука.

Во Македонија престојуваат претставници од ЕТФ, заедно со директори на национални институции од 15 држави, кои во периодот од 12 до 16 мај имаат интензивни средби и анализи.

Придонесот на Организацијата на работодавачи на Македонија во овој процес е од клучно значење за реално и целосно презентирање на состојбите во нашето образование и за афирмација на напредокот што сме го направиле како земја.