април 30, 2025
На 28 април, по повод Светскиот ден за безбедност и здравје при работа, се одржа настан под мотото „Иднината е наша – нека биде безбедна“, во организација на:
Здружение за заштита при работа на Општина Битола Здружение за безбедност при работа „28ми Април“ Здружение на инженери за заштита „Тутела“
На настанот беа реализирани повеќе активности за подигнување на свеста за важноста од безбедни и здрави работни места.
Од име на Организацијата на работодавачи на Македонија, свое обраќање имаше Даниела Китанова од ЕВН, претставник на ОРМ во Советот за БЗР.
Во рамки на настанот беа доделени и награди на учесници во два јавни повици:
Повик за избор на најдобар правен субјект за 2024 година, кој вложува во развој и имплементација на добри практики за БЗР
Повик за избор на најдобар расказ или песна на тема „БЗР од мали нозе“
Безбедноста на работните места е заедничка одговорност – вложувајќи денес, градиме посигурна иднина!