Македонската трипартитна делегација, составена од претставници на работодавачите, синдикатите и владата, зеде активно учество на 113-тата Меѓународна конференција на трудот, која се одржува во Женева, Швајцарија, во организација на Меѓународната организација на трудот (МОТ).

ОРМ ја претставуваше Билјана Талевска, член на Управниот одбор на ОРМ и претставник од компанијата ЗАПОВИМ.

Делегацијата ја сочинуваа:

Бесар Дурмиши, министер за економија и труд;

Слободан Трендафилов, претседател на Сојузот на синдикати на Македонија (ССМ);

Бурим Билали, в.д. амбасадор на Република Северна Македонија во Женева;

Маја Папатолевска, помошник-раководител во Секторот за политики од областа на трудовото право и политики за вработување.

Меѓународната конференција на трудот е највисокото одлучувачко тело на МОТ, каде секоја година во јуни се собираат делегации од 187 земји-членки. На конференцијата се дискутираат клучни теми од областа на трудот, вработувањето и социјалната правда.

Горди сме што ОРМ е активен партнер во процесите на социјален дијалог и застапување на интересите на работодавачите на меѓународно ниво!