Ова е еден позитивен исчекор во работењето на новиот состав на Владата, бидејќи по нашето долгогодишно инсистирање за разгледување на Буџетот на седница на ЕСС, ова е првпат истиот да биде ставен на дискусија и разгледување.

Под точка разно, а врз основа на спроведените анализи и барања од членките на ОРМ, Претседателката на ОРМ Владанка Трајкоска ја покрена и образложи потребата за работно ангажирање на пензионери и ангажирање на студенти како едни од можните решенија за намалување на недостигот на работна сила, за кои до надлежните институции ќе биде доставена писмена иницијатива. Исто така, побара минималната потрошувачка кошничка да се подготвува од страна на Државниот завод за статистика – ДЗС , како што е пракса и во другите земји и истата да биде презентирана од страна на ДЗС на некоја наредна седница на Економско – социјалниот совет.

На седницата учествуваа и Претседателот на Владата – Христијан Мицкоски, Министерот за економија и труд – Бесар Дурмиши, Министерката за финансии – Гордана Димитриеска-Кочоска, заменикот Министер за економија и труд – Марјан Ристевски и заменикот Министер за социјална политика дрмографија и млади – Ѓоко Велковски, претставниците од Сојузот на синдикати на Македонија и претставници од нерепрезентативните синдикати и организации на работодавачи.