На 31.05.2022 се одржа годишното Собрание на ОРМ.
Со свое обраќање присуствуваше Министерката за труд и социјална политика, Јованка Тренчевска

Претседателката Владанка Трајкоска истакна дека Министерство за труд и социјална политика е најважниот партнер во социјален дијалог и дека тоа го остваруваме преку Економско социјалниот совет како и работните групи за измени на законите од трудовата свера во кои учествуваат наши стручни претставници со долгогодишно искуство од пракса.

Во своето обраќање се осврна на економската состојба во земјата, и големи предизвици со кои се соочува стопанството изминативе години како пандемијата, енергетската криза, па сега и војната со Украина.
“Голем дел од компаниите прават големи напори да ги одржат компаниите рентабилни и да не отпуштат работници. Исто така еден од главните предизвици ни е да ги задржиме младите како работната сила на подолг период, бидејќи имаме голема миграција во и надвор од државата
ОРМ смета дека за водење бизнис потребни ни се и применливи закони, согласно ЕУ директивите, а соодветни на нашето стопанство . Во моментот се работи на повеќе закони, но би го одвоила ЗРО . За компаниите е битно да имаме закон кој ќе обезбеди поголемата флексибилност на пазарот на трудот, флексибилни форми за вработување кои се “ хит “ во развиените земји.
Еден од поголемите проблеми ќе бидат намалување на траењето договорите за определено работно време.
Ваквата измена многу би ги обесхрабрила работодавачите да отвараат работни места и вработуваат работници, особено затоа што не се сигурни како ќе се развива бизнисот во иднина, а постапката на отказ и натаму останува комплицирана”

Министерката за труд и социјална политика, Јованка Тренчевска во своето обраќање се осврна на досегашните законски решенија во надлежност на министерството, како и законите чија подготовка е во тек.
Министерката го потенцираше значењето на социјалниот дијалог во едно општество како единствен начин за носење на најсоодветни и најодржливи решенија во согласност со сите релевантни чинители во државата.
Министерката го истакна и значењето на Економско-социјалниот совет кое како трипартитно тело на национално ниво во кое ОРМ учествува како репрезентативна организација. Токму низ Економско-социјалниот совет се дискутирани и произлегоа решенија и мерки кои беа одговор на последиците предизвикани од пандемијата, со цел да се помогне на стопанството, но и на ранливите категории на граѓани.
Таа посочи дека, во иста насока низ дијалог се и подготовката на новите законски решенија, како Законот за работните односи, Законот за спречување на вознемирување на работното место, законските измени во постојниот Закон за вработувањето и осигурување во случај на невработеност, Законот за социјално претприемништво, новите текстови на Законот за безбедност и здравје при работа и Законот за вработувањето и осигурување во случај на невработеност.
Министерката се заблагодари што ОРМ е секогаш стабилен партнер од доверба, партнер кој ги гледа интересите на целата држава и кој сериозно придонесува за социјален дијалог, онаков каков што треба да биде, основа за креирање на работни места и зачувување на постоечките, за зголемување на продуктивноста, а со тоа и на профитот и платите, економски напредок и обезбедување на социјален мир и праведност.