Почитувани,

Ве известуваме дека обуката за основни принципи на управување со организации и процес за изработка на стратегија за односи со јавност за синдикалните организации, беше успешно спроведена во периодот 17-19 мај, во хотел Аквалина, Охрид.

Дел од темите кои беа обработувани во рамките на обуката се:

– Синдикално организирање; улога на синдикалните претставници во унапредување и зајакнување на синдикалното делување;

– Регрутирање ново членство преку креирање добра стратегија за односи со jавност, начини на комуникација со членство;

– Имплементација на стратегија за односи со јавност;

– Вовед во застапување и лобирање итн.

Дискусија, размена на искуства, зголемувања на познавањата при креирањето политики и процедурите за успешен организациски развој и управување на синдикалните организации се дел од ефектите кои беа постигнати преку учество во оваа обука.

Обуката беше спроведена во рамките на проектот “Подобрување на вклученоста и влијанието на граѓанското општество во јавните политики за безбедност и здравје при работа и при донесувањето одлуки како подршка на државата во процесите на пристапување кон ЕУ”, финансиран од страна на Европската Унија.