Меѓународната организација на трудот (МОТ) на 30.07.2010 година во хотелот Инекс Горица во Охрид организираше конференција со цел да се олесни пренесувањето на знаење, добрите практики и научените лекции во поглед на составот, улогата и соодветното функционирање на националните трипартитни тела од бројни поискусни Економски и Социјални Совети на земјите членки на ЕУ на слични новоформирани тела во земјите од Западен Балкан и Молдавија. Дводневната конференција исто така имаше за цел да го олесни  мрежното работење и билатералната соработка помеѓу институциите, по што ќе следи и понатамошна размена на експертиза. Посебни сесии беа  посветени на улогата и мандатот на Економските и Социјални Совети во време на економска криза и како најдобро да се обезбеди застапеност на полова рамнотежа во институциите за социјален дијалог.