Кои сме ние

Oрганизацијата на работодавачи на Македонија – ОРМ

Организацијата на работодавачи на Македонија – ОРМ претставува над 15 сектори од областа на стопанството од приватниот сектор во Република Северна
Македонија. Вклученоста на ОРМ се однесува на теми во интерс на работодавачот поврзани со трудовата легислатива, безбедност и здравје при работа,
образованието, инфраструктура, општествена одговорност, оданочување, инверстирање, казнена политика, кредитирање.

Од 2010 година согласно Законот за работни односи, Министерот за труд и социјална политика, по предлог на Комисијата за утврдување на репрезентативност е
оценета Организацијата на работодавачи како:

Уште од самиот почеток на зачленувањето во Организацијата на работодавачи на Македонија свесна бев за одговорноста на работодавачите во градењето на политиките за развој на стопанството и водењето на социјалниот дијалог на сите нивоа, за создавање на подобра работна клима. Сега како Претседател, подготвена сум да ги слушнам барањата на Работодавачите, заедничките да ги градиме ставовите и да ја креираме политиката, постигнуваќи консензус за општо добро.

Моите Цели во мандатот ќе бидат пред се во насока транспарентно да ги застапувам интересите на Работодавачите воопшто и посебно социјалното партнерство, колективното договарање, склучување и спроведување на Општиот колективен договор за стопанството во Република Северна Македонија и Колективните договори на ниво на дејности.

Заедно со мојот Тим – Членките на Организацијата на работодавачи на Македонија, Потпреседателите и Извршната Канцеларија и во непосредна соработка со претходниот Претседател на Организацијата на работодавачи, а сега Претседател на Собранието на Организацијата на работодавачи г-динот Ангел Димитров, ќе работам да се креираат мерки и политики во кои Организацијата на работодавачи на Македонија ќе биде активен учесник, како и да се унапредува социјалниот дијалог со сите засегнати страни, со цел Република Северна Македонија да има развиена и одржлива економија.

Со тоа ќе допринесам во вршење на функцијата и остварување на зацртаните цели- да бидеме респектабилен социјален партнер достоен да го унапредува дијалогот со Синдикатите и со Владата, но и да ја интензивираме соработката со останатите партнери во земјата и во странство.

Благодарам,
Владанка Трајкоска, Претседател